Pjesme Dragutina Domjanića koje će vas opustiti

Pjesme Dragutina Domjanića koje će vas opustiti
Najljepša poezija – Dragutin Domjanić

U ovoj objavi možete pročitati najljepše pjesme Dragutina Domjanića koje će vas sigurno opustiti i natjerati na razmišljanje. Ukratko, Dragutin Milivoj Domjanić je bio hrvatski pravnik i pjesnik. Ako vas zanima, možete pročitati neke lijepe pjesme Đure Arnolda.

Najljepše pjesme Dragutina Domjanića

Zlato

Sunca se traki rasipani
V zlatne drobiju drobitne,
Puni su lugi i puti ih
Selo i dol i daljine.

Vali se žita razlevaju.
Zlatno je zrno do zrna,
Zlatom je čistim posipana
Senca v dubravi črna.

Krovi slamnati i skosmani
Kak da vu iskrah su samih,
Vsigdi blisiče se sunčece
Čak na zakadjenih tramih.

Kak bi sad štel se nasmejati,
V suncu na sence pozabit,
Ruke raširiti obodve,
Ž njimi vu zlato zagrabit.

Glavicu jednu nakinčiti,
Lasek pozlatiti vsaki.
Ali bi videl: na glavi toj
Jesu vre sunčeni traki.
Autor: Dragutin Domjanić

Zima

Kak v dimu je gora, po snegu diši,
muti se med jalšami reka,
strnišća su pusta, v poljanah je mir,
i vse nekaj čeka i čeka.

Pijučeju pure, se zbiraju skup,
razmećeju vrabci dvorišće,
smrzava se potok i trdi je put
i zajec vre mater si išće.

I grmje se stišće, drhturi ves lug,
preplašena sela glediju,
po travi, po suhoj, prehaja kak strah,
kaj zime se hude bojiju?

Sad zdiže se k nebu i grana i strn,
kak vsi da bi moliti šteli:
“O, dojdi nam skoro, kožulec nam daj,
ti, sneg naš, ti mehki i beli!”
Autor: Dragutin Domjanić

Najbolja poezija

Zemlja

Lani je zlo nas pogodilo,
polje tak slabo je rodilo,
došel je beteg na sela,
tuča je trsja nam zela.

Mi se al ne bumo tužili,
rajše si bumo pak plužili,
v sloge te sejali duge,
za se, – a če i za druge.

Još bu i sunce se smejalo,
strn i trnace nam grejalo,
još bu ta zemlja bogata
dala pak žita kak zlata.

Ona navek bu nas hranila,
ne bu nas ona nit vkanila.
Dobra i v zadnjoj je grudi,
ni ona tak, kak su ljudi!

NE PROPUSTI  Sudbine ljudi kroz razne priče koje će vam dirnuti dušu

Dok nam je dobro, nas faliju,
dok nam je zlo, nas vsi žaliju.
Kaj će to vse?! Kad mi znamo:
verna je zemlja samo.
Autor: Dragutin Domjanić

Zdrava Marija

Vozi za vozom se voz,
Cesta polahko zavija,
Stari zazvonel je zvon:
Zdrava Marija!

Svileno seno diši,
Prešli su črni oblaki,
Lepo smo spravili vse,
Doma smo taki.

Dugi taj dan je bil vruć,
Veter sad tih se zdigava,
Ziblje, nagiblje se voz,
Kak da se plava.

Žarki je zgasil se dan,
Cesta vu kmicu zavija,
Čas je počinut se, spat,
Zdrava Marija!
Autor: Dragutin Domjanić

Nezaboravne pjesme Dragutina Domjanića

Za zbogom

Oslepele budu mi jenput te oči,
Kaj tak su mi gledele rade
I leta ti v cvetju i jesenih žalost
I sneg i protuleti mlade.

Na zadnju molitvu mi sklopili budu
Te ruke, kaj dragat su štele
I zlatni tvoj klas i črlene ciklame
I sence i lilije bele.

Već ne budu vusta mi šeptati mogla
Te reči ti sladke, bogate,
Već ne bu mi tuklo nesrećno to srce,
Kaj, dom moj, je živelo za te.

Znam, skoro me ne bu i ja bum pozabljen,
I samo popevke te male
Još dale se budu spominjale z vami,
Tak same si zvonele dale.

I štel bi, da v vsakoj živi moje srce.
I štel bi, da vsaka ti vraća
Vsu ljubav, vse lepo, kaj ti si mi dala,
Ti draga, ti reč mi domaća!
Autor: Dragutin Domjanić

V jutro

V jutro su tiči se čudili,
kak su to lepi se zbudili
stari trnaci po selu:
imaju opravu belu.

Zvezde su z neba se drobile,
šume kak cvet su ih dobile,
noći pak senje te plave
sad su fijolice plave.

NE PROPUSTI  Priča koja potvrđuje da se sve u životu vraća

Jutro vse puno je radosti,
sunca i sreće i radosti.
Srce mi v cvetu je hvoja:
Senjal sem, da si ti moja.
Autor: Dragutin Domjanić

Dobra poezija

Sveti kralj

Vuz potok vu snegu kovačnica črna
I ogenj črleni na čase tam plane,
Vre krov se obesil i hiža je stara,
Široki ju hrast još podpira ze strane.

Odzadi zaraslo dvorišće i puno
Železa hrdjavog i čudne je kmice.
Za njim se još dale zestajeju ceste
I stišćeju hiže kak stare bogice.

A gore nad vsimi nad nebo to sivo
Kak z kamena spomen za zmirom siguren,
Kak senja od zdavna zdigava se cirkva
I s kapom okruglom široki joj turen.

Zazvonel je glas vu glibokom valu,
Vu mutnom šumu, po lugu i putu
I čul ga je vsaki i poznal ga vsaki
V palačah bogati i bogec vu kutu.

Na punoj Harmici zamučal je narod,
Polakše je počel Manduševec teći
I vsaki na čas je bil bolši neg drugda,
Jen drugomu štel nekaj lepoga reći.

I onda je narod zašumel, nagrnul
Čez vrata med kule do cirkve na bregu,
A glas se je zvona razleval vse dale
I zginul tam dalko na mehkomu snegu.
Autor: Dragutin Domjanić

Sunce

Sunce naše, zlata roža,
Ti si dobro vsakom,
Ti svetiš i bogatašu
Kak i siromakom.

Vsakomu ti daš življenja
Na širokom svetu,
Vsakomu ti daš veselja
Čoveku i cvetu.

Grej nam brege, da rodiju
Gusto vse gorice,
Grej nam dalka, ravna polja
Da bu dost šenice.

Kruha daj i za nas bogce,
Kak za bogataše.
Sveti i pred naša vrata,
Zgrej i srce naše.

Da bu čovek jedan drugog
Imal rad kak brata,
Cveti nam ti žarko, cveti,
Sunce naše, roža zlata.
Autor: Dragutin Domjanić

Koje su vama najljepše pjesme Dragutina Domjanića u ovoj objavi? Možete nam reći u komentarima i navesti još neke lijepe stihove poezije. Zahvaljujemo unaprijed!

Možda će vas zanimati i ovo:

Odgovori

Vaša adresa e-pošte neće biti objavljena.