Pjesme Katarine Patačić koje će vas opustiti

Pjesme Katarine Patačić koje će vas opustiti
Najljepša poezija – Katarina Patačić

U ovoj objavi možete pročitati najljepše pjesme Katarine Patačić koje će vas sigurno opustiti i natjerati na razmišljanje. Ukratko, Katarina Patačić bila je hrvatska grofica koja je pisala poeziju. Ako vas zanima, možete pročitati neke lijepe pjesme Ive Vojnovića.

Najljepše pjesme Katarine Patačić

Vse dosad i z neba

Tutto fin ar dal Cielo.

Kaj god htel sem poprijeti,
Vse sem s Bogom htel početi
Milostivno je pomagal
Kaj god dosad sem obladal

Ah i sad me naj pomaže
ki mi lepu misel kaže
Vse vernosti, vsu hotenja
I ki serca zna željenja.
Autor: Katarina Patačić

Vre Fančen jesi

Gia vendicato sei.

Vre Fančlivost jesi zvodil,
Vre i mene si zarobil.
Več za zmožnost tva niš jalna,
Kralj si, oteci bum ti stalna,

Naj Egiptuš Bogom hvali,
ki su Tebe kralja dali
Ter iz mene peldu jemlje
Kakov dar si Ti na Zemlje.
Autor: Katarina Patačić

Najbolja poezija

Ti znaš da zaljubljen jesem

Tu sai, che amante son io.

Da ja ljubim je ti znano
Dogođenje me tak rano
Ah! ki Milost če dobiti
Nemre Milost zakriti.

Te Milosti ku ti dajem
Ova, ku želim, je najem
Vreden Milost ni dobiti,
ki god smiljen ne zna biti.
Autor: Katarina Patačić

Stalnost Prijatelstva

Na čalarnom ovom svetu
Vsa kaj vidiš, su nestalna,
Lepoj Roži v svojem cvetu
Mraz i zima jesu jalna.

Protuletno drago vreme
Človečanske zrok radosti
Ali zima vsa prevzeme
Vživat brani vugodnosti.

Žarko sunce zorja lepa,
V zraku škerlec glasno speva,
Vendar temna noč i slepa
Vu turobnost vsa pak deva.

Sama stalna jest prijaznost,
kinč ov anda alduvati
Jest vernomu sercu dužnost;
Njega z sobum zakopati.
Autor: Katarina Patačić

NE PROPUSTI  Zanimljive priče iz života: Gdje je moj život

Zanimljive pjesme Katarine Patačić

Siromaško serce trepečeš

Povero Cor, Tu palpiti.

Milo serce, kak trepeče
Dan prez škode biti ne če
Serce moje kak trepeče,
Milo serce! vsaki reče.

Mili Bože! kaj če biti
Morala bum pogubiti
Dobro ko je ljubav bilo
V persi moje zasadilo

Milo serce… Repertitur
Autor: Katarina Patačić

S Znavade

Per Costume.

Z navade sem Dragi! Tebe oljubila
Ovak samo Tebe ljubit se navčila
Navada ta jako je mi slatka bila
Ovak iz Navade je postala sila
Vu tom lepom plamnu ki je zažgal mene
Bum gorela, doklam serce mi povene
Niti bi ja vernost, ku sem ti imela
Ne začuvat mogla da bi tak htela.
Autor: Katarina Patačić

Dobra poezija

Ne izdati Ufanje lepo

Non tradir la bella Speme.

V ufanjih naj lepših naj me vukaniti
Ka mi dosad jesi hotel pokloniti.
Z sledom se prezmožneh vitezov pokaži
Ime dobro moje s čimi ne maži.
Včimi da vreden odvetek ostavim
Vu kom serca moga želje vse ja stavim
I da mi se obraz moj ne zarumeni
Ako gda na pamet, sinko! dojdeš meni.
Autor: Katarina Patačić

Navuki Za Lepe

Da prorokuvana zla ne bi ga vbila,
Tetis jesi sina k Licomedi skrila,
Ov vu ženski sviti: nut! kak Pir izhađa,
Kada s Dejdame Ahil ga porađa.
Ljubavi vkanlivost, kak daleko zajde!
kada če da v sercu vašem stana najde,
Vu vašega spola svitu premeni se,
Lepe! v vsu Naturu zaufati ni se.

Od Psihe dobrota tulika je bila,
Da je Ljubavnika Ljubčiča dobila,
Ova takve sreče je se zahodila
kad, ki vse oblada je se zarobila.
Lepe! če vas takva sreča želne mami,
Ako nje nesreče zeznali ste sami
Ne želite dobra vi naj vekša znati
Veliki vas znadu ljubiti prestat.
Autor: Katarina Patačić

NE PROPUSTI  Životna istinita priča: Što to ima u srcima ljudskim

Koje su vama najbolje pjesme Katarine Patačić? Možete nam reći u komentarima i navesti još neke lijepe stihove poezije. Zahvaljujemo unaprijed!

Možda će vas zanimati i ovo:

Odgovori

Vaša adresa e-pošte neće biti objavljena. Obavezna polja su označena sa *